keneil

keneilBrav ar gêriadenn
uvel
boutin
koantik e-mesk an torgennoù.
Eus ar vered e par ar selloù
war ar vro tro-war-dro.
Ur misi bezañ aze
e freskijenn ar beure.

Ar bezioù zo renket mat
unan, ur pallennad bleunioù
sec’het gant ar pevar avel
dindan an heol
en e blas
e-kreiz ar re all
zo sioul
a-dal d’ ar vro
a-dal d’ ar bed.

Ouzh e gichen Marseille
Marsilha
dargouezh heoliek.

Dre e soñj en deus paotr ar preti
pourvezet boued ha died
ouzh an daol vras
d’ an toullad tud a oa deuet
da gas an den dindan ar bleunioù.
Hag en deus graet ?
Touiñ a rafe
ken sur ha pitilh eo gant Breizh.

Petra vern
evit ar pred
postek eo ar sandwich
dereat ar gwin ruz.
Er sal vihan
e ra micherourion
un troc’h saourus ha skañv
e dirollerezh ar bed.

Deuet oan
da weladenniñ unan
skoulmet aze
daou benn e vuhez.
Dargouezh.

Aet eo gant an den
sevenet e vuhez
deberzh e brederouriezh
digor bras war ar bed.