e sigur henvoaz

e-sigur-henvoazEr gourleur e komze un ambilher laouen eus henvoaz Nedeleg, menegiñ a rae ar ganaouenn Petit Papa Noël skignet war yoc’h an arvalion prederiet da vountañ o c’harigelladoù bitailh.
Bep bloaz, da vare Nedeleg bannañ ar ganaouenn heskennus-se, a viskoazh, hag un henvoaz eo ?
Petra eo un hengoun neuze ? Elfennoù a vefe stag ouzh orin ur gummuniezh tud ?

Ar marvailhoù n’int na henvoaz na hengoun. Bez ez int oberennoù ur stuzegezh, oberennoù bev ha n’eo ket kalvezadoù doujet e koun d’un dra bennak, pe stag ouzh ul lid a zistrofe da vareoù resis eus ar bloaz, pe e degouezhioù resis.
Disoñjet mik int bet gant ar boblañs
O lec’h a oa, hag a zo, hag a vo, er pemdez.
Tremenet int eus lod bev niñv pemdeziek ur stuzegezh da zafar kenderc’herion arbennikaet kalvezadoù arvestel, aet int d’ ur rann eus nevid an arvestoù. Koulz eo lavarout ez int kalvezadoù marv ur stuzegezh varv.
Kollet o deus o roll ezteurel, kelaouiñ, pleustriñ dezevout an dud, da emgantañ er c’henderc’hañ-beveziñ, e kor ar beved. Labour int, ha roet o deus labour d’un toullad tud. Kollet o deus ul lod bras eus o ferzhioù oberiañ ha niñvañ. Bastañ a reont da veved ar sorbiennourion hag o selaouerion dre neveziñ o barregezhioù askenderc’hañ : diduiñ a dalvez da askenderc’hañ an nerzh labour distrujet, genel ur c’horvoder zo bezañ e tro da astenn e veved.
Hag e tizh ar c’halvezadoù kenderc’het diwar an oberennoù tremenet muioc’h eget poblañ an alvezelezh ? Hag e tizhont an oberiañ eleze sevel ar bed ma kav mab-den e badelezh, e istor ? Hag e tizhont maezhienn an niñvañ eleze un egor kumuniezhel, un eskemm, ur bon d’ an nit ?

Da sevel ur bed un tamm pinvidikoc’h ‘ta, hag e vo a-walc’h dimp kanañ a-bouez-penn Petit Papa Noël ?