E-barzh an ti bihan war ribl an hentig
e-kreiz ar maezioù
ez a un den.
Ha kozh eo ?
Yaouank ?
Ne gomz da zen ne labour ket.
Bevañ a ra diwar aluzen.
Gwelet e vez o c’hoari biz meud
da vont e kêr
da lipat e vanne bier
da arvestiñ ouzh an dud
dilavar
didrouz.
Mont ha dont
aluzen
chopinad
chopinad
aluzen.
En ti bihan ez eus un den marv
digenvez ha didrouz
aet da get
diwar re vier
ankounac’h
kasoni
kozhni.
Ne ouezo den
morse
pe liv oa e ene.
Un den all a zeuio
a gavo an ti diannez d’ e dro.
Annezañ a ray an ti bihan
war ribl an hentig
e-kreiz ar maezioù.