Gwriziennoù tev
fin ha niverus
rouedad kuzh
a en em sil
a sun
a vag
a ra d’ ar wezenn greskiñ
sevel d’ an neñv he skourroù
he deliaoueg fonnus
a led un disheol hinon
freskijenn kreiz an hañv
disglav kreiz an arnev
a sked he liv glas
glasvez flour d’ al lagad.

Gwezenn diwrizienn
e led an den neudennoù e handerc’hañ
dre stignañ rouedad ar gerioù
gerioù ur yezh
bout deberzhek
dargouezh estlammus.