N’eus ket pobletoc’h eget dezerzh ar vuhez
war ribl an hent hep penn na lost e tibun miliadoù a dud
hennezh a ra ur prof
hennezh a c’houlenn un aluzen
kalvezadoù a ya
kalvezadoù a zeu

ar re binvidikañ zo peorion truilhek ha pizh

ar re baour a brof teñzorioù
desket ganto reiñ betek mervel
morse ne c’houlennont
boas da c’hortoz ouzh an nor
skarzhañ a reont da sevel o zammig buhezioù
diazezad kaletañ d’ ur bed kaer

bed dianav da zifreterion ar c’hrouiñ
krouerion ar goullo
bevezerion lorc’hus

uvel ha kenedus eo an trehontiñ
ne grou ket
engehentiñ a ra
ne stur ket
skorañ a ra
frai kozh
disgwel
ankounac’haet
o tont dic’hortoz
trumm
digor
skor bresk
andorenn d’ ar buhezañ
disterañ e-touez ar re zister
denelezh enkorfet
e prof da gement hini e lec’h e kumuniezh an denion