Setu ar Vrezhoned o tañsal,
ouzh ebatañ laouen,
sonerezh a bep tu,
bier ha kanaouenn,
gwenn-ha-du,
krampouezh,
rannyezhoù a vil vern

laouen gant relegoù,
bitrakoù,
mezventi,
beveziñ o brezhonelezh meurlarjez,
dic’hizet,
ober vel pa vije

e kevredigezhioù an amzer dremenet
e veze graet ur wech ar bloaz
pezh a reont a-hed o buhez
laouen, balc’h,
o paboriñ

o tispriziañ ar Breizhad boutin
an hini na briz ket o meurlarjez,
na vourr ket gant aezhennoù o butun eksotek,
ar paour,
an dister,

enor d’ar frañsizion ac’hanoc’h,
d’o ferzh mat er bed brein,
gant ma viot un eilenn
emouez,
ha disteurel ho kwiskamant,
koefoù ha togoù boulouzennet
sanket e don donañ ho empenn,

dao dezhi,
Breizh zo da sevel.