Kroc’hen leun an daou-se, morse peurergerzhet, puñs don ar c’hevrin flour. Daou gorf en em gav, adal tarzh ar bed, a dreuz d’ an amzer, roud o c’hleñvedoù warno, o gloazioù, samm o zrevelloù, trepetoù o buhez, an eurvezhioù bevezet. Unan o daou, splann, bep gwech nevez, dindan flouradennoù kevrinus, skañv, koroll, nijadenn, strink, seder, kriz, boz, naon ha sec’hed.
Tro ha tro, a emgav da emgav, daoust da zaoust, betek ar poent-klozañ e tistroy, mezevellus, feal, leun a c’hoanag, an hevelep marzh.