Bemdez hon eus da zibab mervel pe vevañ
n’eo ket alvezel
n’eo ket bevedel
buhezel eo an dibab a ren war hon sac’h eskern

neuze
pa vo pred ar marv alvezel
pa vimp a-ispilh
a-dal d’ ar goullo
ma tibabomp bevañ petra a c’hoarvezo

ne c’hallimp ket mui gourc’hemenn
ren war hon c’higennoù
e peseurt doare e vimp a-douez an denion
ne vimp ket mui mistri war ar buhezañ
daoust da chom avat
diwelus

ezvezañs
boud er-maez diraez d’ hon dibaboù
dargouezhek er vuhez
dargouezhek er beurbadelezh
ez aimp da viken
fonnus
skañv
laouen.