Prientiñ an te
Staliañ an daol evit pred kentañ an devezh
Enredañ ar skingomz
Tufañ a ra ar benveg
Dislonkañ
Pezh a zo da c’houzout
Feulster
Aon
Avi
Dismegañs
Fent ponner
A-zivout pep tra
A-zivout pep den
Mouezh ar vistri
Dezerc’het gant furlukined
danzeet evit labaned
Bemdez
Beure mat
Soñjal pezh a zo da soñjal
Ober pezh a zo d’ober
Bezañ un den mat
Pep tra renket mat
Evidon
Ur misi
En ur bed ken lous
E ‘m bo al lod sukret
An tamm kaotigell
E korn ar jelkennad bara kaoc’h
Debriñ
Ha serriñ va beg
Ha dreist holl
Dreist holl
Na soñjal