paradoz ar c’hizier

a bazioù bihan-bihan ez a ar gazez kozh
kaoued he remm warni
war he lerc’h e steuz riboulioù mil anavezet
frond ha saour boued e asied
selloù diseblant ar gizhier amezek warni

gorrek
sioul
e treuz an hentig
rouez-rouez ar c’hirri
diarvar bezañ bouzar

en tu-all d’ ar c’harzh emañ bremañ er prad
disgwel er geotennoù uhel
aet d’ ur gridiennig
d’ un avelig lezirek
ne daol ket ar saout pled outi
mont a ra da c’hourvez
en ur bouchad geot sec’h
tommheoliañ
ur wech diwezhañ
foulinenn
munudig ha munudig
en em ro d’ an huñvre
ha mont dic’houzvez
da baradoz ar c’hizhier

Laisser un commentaire

Votre adresse e-mail ne sera pas publiée.

Ce site utilise Akismet pour réduire les indésirables. En savoir plus sur comment les données de vos commentaires sont utilisées.