Iskis eo komz eus gevier hag eus palvataerezh a-zivout atebeion ar frammoù armerzhel.
Iskis eo lavarout ez eo skiantel dezastumadennoù an ekologourion.
Seurt komzoù n’ int nemet arvezioù eus an dibolitikadur.

N’ eus ket eus ar skiant evel un elfenn distag diouzh buhez ar c’hevredigezhioù.
Atebeion ar frammoù armerzhel o deus ur poellata kempoell gant ar stuzegezh ma vezont o labourat, ur skiant. N’ eus ket eus ar skiant.
Poellek eo diouzh durc’hadur ar c’hevredigezhioù divizoù ar strolloù ren ha labour ar gefredourion liammet outo. Ne c’hell ket bezañ kemmet seurt poell hep kemm penn-da-benn ar c’hevredigezhioù, eleze d’ an dud a venn mont e lec’h all eo ret kemer sol er-maez eus stuzegezh ar strolloù-se a zo hini ar gevredigezh ma vevomp.
Ar gealiadurezh ren eo a zo talvoudek hag a werc’h.
Lavarout ez eo gevier pe balvataerezh ar pezh a embann ar metoù ren zo azon un dibolitikadur. Hag e c’hell bezañ eus un denelezh dibolitikaet ?

Ma kemerfe an dezrannerion sol en arlez eus ar c’hevredigezhioù-se evit sevel ur bed all, neuze e c’hellfent kinnig ur gealiadurezh all a vefe soliet, kinnig amkanioù all, furmoù kevredigezhel all, a vefe soliet war zoareoù all da vezañ.
Direnkus eo avat, diglet, bezañ e-kichen. Beveziñ a ra gremm ur spont.
N’ emañ ket tud Le Monde Diplomatique er-maez ar bed a ziskuliont evel gaouiat hag alese eo difrouezh o labour marteze, daoust da vezañ emichañs a berzh mat.
Ne dalvez nemet da reiñ koustiañs vat d’un nebeut tud, d’ ur genvreuriezh, d’ ur chapelig, d’ ur ranngredenn pa chomont e stern daveiñ ar stuzegezh ren dre ziouer a saviad kenderc’hañ diles.

N’eo ket a-walc’h skrivañ, ret eo buhezañ, ret eo lakaat en arvar kement a zeu dimp eus ar stuzegezh distrujus a ren war hollad ar bed ma vevomp.

Kalz labour a chom d’ ober.

Industriels de l’ignorance, Florent Lacaille-Albigès, Le Monde Diplomatique, novembre 2014