Tufañ a ran war ho meuzioù cheuc’h,
war ho puhez leurennet,
war ho kalficherez savet evit estlammerion
a zo o micher bamañ dirak ho skudell boued.

Ur frouezhenn,
un aval douar,
netra ouzhpenn
nemet ar pezh a vravao ar blaz,
ar frond,
ar stumm,
ha peadra da vagañ,
eeun.
Ar blijadur zo er bastañ.

Naon kened ‘m eus,
n’eo ket c’hoant meurlarjez.
Naon jestroù
n’eo ket c’hoant orbidoù.

Bezañ pinvidik n’eo ket dastum
hogen bezañ kenedus d’ar bed
ober bed
reiñ.

A ! Keneiled…