Petra a chom en islonk ar vuhez,
petra a chom eus ar buhezañ ?
Bruzhun,
a eskor diouto un tamm kened,
lod ur savadur bresk,
moan,
a savo uhel en dazont
e-mesk an atredoù,
e ludu hon trevell.


Dreist d’ hon plijadur,
kuit a emgarantez,
e chom
profoù bihan,
ur ger silet
en ur dremen
e skouarn un den,
munut,
kenedus,
na c’hortoze tra eus an eskemm,
Teñzorig dister.


Hon holl vadoù
dimp-ni
denion.