Ar c’hammedoù kentañ
er beure
en noz sin
tarzh an devezh nevez
teñvalijenn binvidik
azginivelezh werc’h
andon ar bed
didrouz
nemet paz ur c’hazh
karr ebet gant an hent
kri bugel ebet en amezegiezh
tav al laboused en o hun
ar c’horf peurwisket gant ar freskijenn
daoust d’an dilhad
a-unan gant an ec’honder divent
gwiskad kent ar bed
beuzet en denelezh
sonerezh tanav ar vuhez o c’henel
en diabell
chouradenn an hent-tizh
gouleier tredan ar straedoù
den divoulc’h
diwisket e di
gwallhuñvreoù an noz
seder ur predig berr
bep beure
paradoz
bediñ